Fréttir um iðnaðar, viðskipta- og ferðamál

Styrkir á sviði ferðamála, iðnaðar og nýsköpunar - umsóknarfrestur til 1. maí

12.4.2017

Atvinnuvega- og nýsköpunarráðuneyti styrkir félög, samtök, fyrirtæki eða einstaklinga, eftir því sem við á, til að styðja við áhugahópa og faglegt starf á sviði ferðamála, iðnaðar og nýsköpunar. 

Hafi umsækjandi áður fengið styrk til verkefnis þarf að liggja fyrir greinargerð um framkvæmd þess og ráðstöfun styrkfjárins til þess að ný umsókn komi til greina.

Ákvörðun um úthlutun mun liggja fyrir eigi síðar en 15. maí n.k.

Umsækjendur skulu sækja um á rafrænu formi á umsóknavef Stjórnarráðsins 

Aðgangur er veittur á kennitölu umsækjanda og verður lykilorð sent viðkomandi á netfang sem hann gefur upp við nýskráningu. Lykilorðinu má breyta eftir innskráningu með því að opna Mínar stillingar.

Umsækjendur skrá sig inn með kennitölu og lykilorði. Einnig er hægt að nota rafræn skilríki við innskráningu.

Nánari upplýsingar veitir Hulda Lilliendahl    /     netfang: hulda@anr.is

Umsóknarfrestur hefur verið framlengdur til 1. maí þar sem að hlekkur á umsóknir lá niðri um tíma.

Til baka Senda grein